Рахат

«Рахат» акционерлік қоғамы – 75 жыл бойы Қазақстандағы кондитерлік өнімдерді шығаратын ірі өндірушілердің бірі. Өндірістің әмбебап сипаты, оның ауқымы және какао бұршақтарын өңдеуге арналған өз желісінің болуы компанияға отандық өндірушілер арасында, кондитерлік өнімдердің ең кең ассортиментін алуға мүмкіндік береді. Бүгінгі таңда «Рахат» АҚ ассортимент қоржынында 14 түрлі топқа жататын түрлі кондитерлік өнімдердің 400-ден астам атауы бар. Компания бір жауапкершілікке және кешенді сапаны бақылау жүйесіне негізделген ішкі сапа жүйесін ұйымдастырды және басқарып келеді. Бұл жүйе өндірістің әрбір кезеңінде шикізат пен өнімдердің сапасын бақылауды қамтиды. Өнімдер ішкі нарықта да, алыс және жақын шетел нарығында да жақсы танымал. «Рахат» АҚ-ның сату географиясы бүкіл Қазақстанды қамтиды, өйткені компанияның 18 қалада, оның ішінде 14 облыс орталығында өнімді тарату жүйесі бар.