«Office-Expert.kz» ЖШС тапсырыс берілген кез келген тауарды бекітілген кері қайтару ережелеріне сәйкес қайтаруға болады. Бұл ақпаратпен мұқият танысуыңызды сұраймыз.

1. Тауарды кері қайтарудың жалпы шарттары

Тауарды қайтару мерзімі:

• Сатушының қарсылығы болмаған жағдайда, тауарды сатып алған күнді есептемегенде, 14 күн ішінде кері қайтаруға болады.

• Заңға сәйкес кері қайтаруға жатпайтын тауарлар бар екенін де ескеріңіз.
  
  

Ақаулары бар немесе тапсырысқа сәйкес келмейтін тауарларды кері қайтару:

• Ақаулары бар немесе тапсырысқа сәйкес келмейтін тауарлар (мысалы, қате артикул, қате түсі және өлшемі) пайдаланылған болса да, кері қайтаруға немесе айырбастауға жатады.
  
  

2. Тауарды қайтаруды немесе айырбастауды қалай рәсімдеуге болады

Қайтаруды немесе айырбастауды рәсімдеу үшін келесі құжаттар қажет:

• Кері қайтару өтініші (Сіз оны біздің сайттан жүктей аласыз немесе тауарды беру нүктесінен ала аласыз).

• "Жеткізушіге қайтару" құжаты (Сіз оны біздің сайттан жүктей аласыз немесе тауарды беру нүктесінен ала аласыз).

• Жеке басын куәландыратын құжат көшірмесі (тапсырыс рәсімделген тұлғаның).

• Фискалдық чек (егер тауар банктік картамен төленсе).

• Тауарға берілетін тауарлық жүкқұжаты.

• Кепілдік талоны (егер тауар электроника және тұрмыстық техника сияқты міндетті кепілдігі бар тауарлар санатына жататын болса).

• Шоттық жазба көшірмесі  (жеке тұлғалар үшін).
  
  

Тауарды кері қайтару:

• Кері қайтаруды компания қоймасында жұмыс күндері сағат 15:00-ден 17:00-ге дейінгі уақыт аралығында өзіңіз тапсыра аласыз.

• Қойма мекен-жайы: Турксіб ауданы, ш.а. Қайрат, 282, қойма №15 (кіру негізгі жолдан).

• Астана қ. орналасқан қойма мекен-жайы: Байконыр ауданы, Жетиген көш., 17Б

3. Тиіссіз және тиісті сападағы тауарларды айырбастау және кері қайтару:

1) Тиіссіз сападағы тауарларды айырбастау және кері қайтару

Сапасы сәйкес келмейтін тауар – ақауларға байланысты өзінің функционалдық қасиеттерін қамтамасыз ете алмайтын тауар. Сондай-ақ, Клиент тапсырыс берген тауарға сәйкес келмейтін тауар да  (артикул, түс, фасон, өлшем және т.б.) тиіссіз сападағы тауарға жатады.

• Бұл жағдайда Сатушы тауардың толық құнын қайтарады немесе оны тиісті сападағы ұқсас тауарға ауыстырады.

• Сапасы сәйкес келмейтін тауарды қайтару, тек оның тауарлық түрі, тұтынушылық қасиеттері, сондай-ақ көрсетілген тауарды сатып алу фактісі мен шарттарын растайтын құжат сақталған жағдайда ғана мүмкін болады

• Тауар кері қайтару/айырбастау алдында өндірушінің қызмет көрсету орталықтарында сараптамадан өту керек. Тауардың сапасын қосымша тексеру (сараптама) құнын Сатушы (Өндіруші) төлейді. Егер тауарға сараптама жүргізу нәтижесінде тауарда ақаулардың жоқтығы немесе Тапсырыс берушіге тауар берілгеннен кейін белгіленген пайдалану, сақтау ережелерін бұзу немесе іс-әрекеттер салдарынан, үшінші тұлғалардың немесе белгісіз күштердің салдарынан туындағаны анықталса, тұтынушы сатушыға (өндірушіге) сараптама жүргізуге, сондай-ақ онымен байланысты тасымалдауға жұмсалған шығындарды өтеуге міндетті. Клиент тауардың сапасын тексеруге және сараптауға жеке өзі немесе өзінің өкілі арқылы қатысуға, сондай-ақ өз қаражаты есебінен тауарға сараптама жүргізуге құқылы. Тауарды (құрамдас бұйымды) ауыстыру кезінде, егер шартта өзгеше көзделмесе, кепілдік мерзімі оны Клиентке берген күннен бастап жаңадан есептелінеді. Сараптама мерзімі 10 күн.

• Тауар сараптамадан өткеннен кейін ауыстырылады.
  
  

2) Тиісті сападағы тауарларды айырбастау және қайтару:

Тиісті сападағы тауар - бұл сапаны қанағаттандыратын, тауардың мәлімделген сипаттамаларына сәйкес келетін, бірақ субъективті себептер бойынша тауар (мысалы: түсі, пішіні, габарит, фасон, өлшемі немесе жабдықтамасы ұнамаған жағдайда) кері қайтарылуы мүмкін.

• Тауарды кері қайтару кезінде оның сапасы, яғни тауарлық түрі, тұтынушылық қасиеттері және белгілері тиісті сапада болуы керек. Кері қайтару Клиент тауарды алған қаптамада тиісті сапада сақталған жағдайда, қабылданады. Пайдаланылған тауар кері қайтаруға жатпайды.

• Бұл жағдайда біз тауардың тек толық құнын қайтарамыз.

Заңға сәйкес ерекше тауарлар кері қайтарылмайды:

• Тапсырыс бойынша жасалған тауарлар (мысалы, жеке заттар).

• Азық-түлік өнімдері, тұрмыстық химия, косметика (қаптама ашылған жағдайда).

• Техникалық күрделі тауарлар (мысалы, телефондар, компьютерлер).

• Іш киім, шұлық, жеке гигиеналық құралдар.

Азық-түлік өнімдерін кері қайтару:

• Сатып алушы сапасыз азық-түлік өнімдерін ғана кері қайтара алады.

• Тиісті сападағы азық-түлік өнімдері қайтаруға немесе айырбастауға жатпайды.

4. Ақшаны қайтару шарттары мен әдістері:

1) заңды тұлғалар үшін: ақшаны қайтару компанияның банктік шотына ақшаны қайтару туралы өтінішпен ұйымның деректемелері көрсетілген тиісті ресми хат негізінде банктік аударым арқылы жүзеге асырылады. Бұл жағдайда ақша өтініш қаралған сәттен бастап 10 күн ішінде қайтарылады

2) жеке тұлғалар үшін: егер кері қайтарылған тауар банктік картамен төленген болса, ақшаны қайтару клиенттің карта шотына аударым арқылы жүзеге асырылады

Жеткізу шығындары:

• Тиісті сападағы тауарды кері қайтаруда Клиент жеткізу ақысын төлейді.

• Тауарды кері қайтаруда жеткізу құнын Сатушы өтейді.